|
Sin deklari
Civitano de la Mondo, estas veti por la pluvivo de
la tuthomaro..
Jean
ROSTAND.
|
Organigramo
en pdf 
|
|
|
Nin
kontakti
|
|
|
24 januaro
2022
Por Monda
Oceana Aŭtoritato
Post unua partopreno en 2010 kaj denove en 2018,
Jean-François Lilti proponas viciĝi ĉe
la komenco de la venonta Route du
Rhum kiu foriros de Saint-Malo la 6-an de
novembro, por subteni alvokon por la kreado de
Monda Oceana Aŭtoritato.
Ĉiuj informoj ĉe: https://citoyensdumonde.com/page31.html
(franclingve)
|
|
29an de marto
2022
La rusa atako
kontraŭ Ukrainio montras la bezonon de reformo
de UN ĉar la internacia organizo
montgriĝis nekapabla enpaŝi kaj konservi
internaciajn pacon kaj sekurecon. En multaj kazoj,
la Sekureca Konsilio de UN estas paralizita ĉar
unu el siaj konstantaj kvin membroj blokas decidojn
uzante sian vetorajton. Ĉi tio estis farita de
Rusio plej lastatempe.
Jen okazo denove rigardi kiel "renoviĝinta
mondorganizo por la 21-a jarcento" povus esti
desegnita laŭ la opinio de nia Plenuma
Direktoro Andreas Bummel. En diskutdokumento, li
sugestis la kreadon de decidmekanismo kiu apogas
sur du kolonoj : asembleo de egalaj plenumaj
reprezentantoj de unuopaj landoj kiel la hodiaŭa
Ĝenerala Asembleo de UN kaj Monda Parlamenta Asembleo kiu
konsistas el individuaj delegitoj elektitaj de la
monda loĝantaro. .
Ĉi tiuj du asembleoj elektus 30-membran
"Komunan Sekurecan Komitaton" kiu estus komisiita
pri aferoj de tutmondaj paco kaj sekureco. La hodiaŭa
Sekureca Konsilio ne plu ekzistus. Neniuj
konstantaj membroj. Neniu rajto de vetoo.
|
|
28an de marto
2022
Mondcivitana
Alvoko por ĉesigo de malamikecoj en
Ukrainio kaj por bonfidaj
intertraktadoj. Association of World
Citizens opinias, ke necesas tuja batalhalto en
Ukrainio kaj komenco de bonfidaj intertraktadoj. La
konstanta pliiĝo de homa sufero kaj la
potencialo por disvastiĝo de la konflikto
faras tiajn intertraktadojn imperativo. (...)
Plu legu la
alvokon
|
|
En Greziljono :
De la 22a ĝis la
30a de Aprilo :
PRINTEMPAS
intensivaj kursoj kun Przemek Wierzbowski,
Szilva Szabolcs, Christophe Chazarein, Marion
Quenut
Aliĝilo reta per tiu
ligilo
De la 4a ĝis la 9a de
majo : Korusa renkonto de Interkant kaj
Festo de la 70-jariĝo de Greziljono
14an kaj 15an de
majo : 74a
kongreso de SAT-Amikaro.
|
|
27an de februaro
2022
Junaj
Esperantistoj alvokas por konstrui stabilan mondan
pacon
Ni alvokas al ĉiuj internaciaj instancoj
strebi utiligi diplomation por ĉesigi
konfliktojn, provizi savan helpon al la viktimoj
kaj konstrui stabilan mondan pacon. Tio baziĝu
sur la respekto de ĉies homaj rajtoj,
inkluzive de lingvaj rajtoj de etnaj malplimultoj.
Ni apelacias al ĉiu esperantisto tra la tuta
mondo: subtenu la homajn rajtojn, pacon kaj
interkompreniĝon.
Legu la kompletan
alvokon de TEJO
|
|
25an de februaro 2022 :
unua retkunsido en Esperanto
Kian rolon
por la esperantistaj Mondcivitanoj
Partoprenis 19 homoj el tri kontinentoj.
Ĉiuj Civitanoj de la Mondo konsentas ke la
problemoj de la mondo estu solvitaj je la nivelo,
kie ili situas. Do la mondaj problemoj devas ricevi
solvojn el tutmonda aŭtoritato. Kompreneble
simplaj civitanoj ne povas efike agadi kontraŭ
la mondaj problemoj. Unuope la civitanoj estas
senfortaj. Multope ili havas forton. Plej unue oni
devas agadi surloke. La loka agado povas allogi
multajn homojn en la saman kunagadon. Kiam agado aŭ
depostulo estas subtenata de granda nombro da
homoj, tiam la politikistoj povas atenti pri la
petoj kaj transdoni la aferon al la koncernataj aŭtoritatuloj.
legu la kompletan sintezan resumon en ...dem/retkunsido222.htm
|
|
3an de marto
1966 - 3an de marto 2022 : 56jara
alvoko
La 3-an de marto 1966, 13 mondfamaj elstaruloj
lanĉis ĉi tiun alvokon, kiu ne perdis
sian gravecon:
Manke de supernacia leĝo la ŝtatoj
estas devigataj kalkuli je forto por defendi siajn
interesojn. Konsekvenco : la milito ĉu vola ĉu
akcidenta iĝanta, depost la atoma malintegrado
kaj de la disvolviĝo de la bakteriaj armiloj,
la absurda "fina solvo", la genocido vastigita al
la tuta homa raso..
Manke de tutmondaj institucioj kapablaj certigi
la kontentigon de la fundamentaj bezonoj komunaj al
ĉiuj, la homa persono estas ofendmokata. Dum grandegaj riĉaĵoj
estas malŝparataj, du trionoj el la homaro
suferas malsaton.
Tamen la sciencaj kaj teknikaj progresoj ebligas
organizadon de tutmonda komunumo, en kiu regus paco
kaj abundo, en kiu la fundamentaj liberecoj estus
garantiataj al la individuoj, al la popoloj, al la
nacioj.
Kial ne estas tiel ? Ĉar la registaroj
hipnotizitaj de sia ...
... legu la sekvon en https://www.recim.org/cdm/cit13eo.htm
|
|
|
Al ĉiuj civitanoj
de la mondo
Ni deklaras nian
solidarecon kun la popoloj de Ukrainio kaj Rusio,
kiuj ne volas ĉi tiun militon.
La mortiga invado ne
estas nur atako kontraŭ Ukrainio. Ĝi
estas atako kontraŭ la libereco kaj demokratio
de ni ĉiuj.
Ni, civitanoj de la
mondo, deklaras, ke perfortaj militoj kun bomboj
kaj mortigoj neniam estas solvo kontraŭ
malsamaj opinioj.
Tutmonda krio kontraŭ
perfortaj mortoj leviĝas hodiaŭ en la
26ª februaro 2022 de milionoj da homoj kaj
inter ili ni mondcivitanoj;
Nur la vorto PACO
validas, neniu alia vorto povas esprimi la dezirojn
de la homoj. Milito estas neo de
paco.
TUJ HALTIGU LA
MILITON!
Tiu deklaracio rezultas el kunsido de Civitanoj de
la Mondo el 12 landoj kaj tri kontinentoj, kiu
okazis interrete en la vendredo 25a de februaro
2022
|
|
Tutmondismo
Tutmondismo estas la
tuto de la ideoj kaj agoj esprimantaj la
solidarecon de la globloĝantoj kaj celantaj
starigi supernaciajn instituciojn kaj leĝojn
kun federacia stukturo, kiuj estu komunaj al ili,
en la respekto de la diverseco de la kulturoj kaj
popoloj.
Tutmondismo estas ankaŭ
scienca aliro al sociaj interindividuaj fenomenoj
konsideritaj de monda vidpunkto.
Tutmondismo provas
proponi novan politikan organizadon de la homaro
implicantan la transdonon de iuj partoj de la naciŝtata
suvereneco al Monda Federacia Aŭtoritato
kapabla solvi per decidoj de la plimulto la
problemojn, kiuj koncernas la sorton de la homa
speco, tiaj, kiaj : malsato, milito, poluado, troloĝateco,
kaj energio.
La
postuloj de la tutmondismo ne
povas kontentiĝi per la sensankciaj devontigoj
de la internaciaj traktatoj aŭ
interkonsentoj.
Tutmondisma
glosaro
|
|
Perforto, militoj,
terorismo, mizero, malsato, poluo, malsxparo de
fosiliaj resursoj, monopoligo, egoismo, demografio,
mona malordo, korupto, elirado,
Transformo de
internaciaj institucioj
Edukado, informado,
civitaneco, solidareco, respekto, bonveno,
kundivido, vera demokratio...
CIVITANOJ
DE LA MONDO
Les Nids
49190 ST-AUBIN DE LUIGNÉ (FrancIO)
|
|
