  |
|
|
|
Enhavo je la fino |
|
|
|
|
Monda Solidareco kontraŭ la malsato celas ja lukti kontraŭ la malsato, ebligi al ĉiu, sen konsidero de ties deveno aŭ de sociala nivelo, partopreni en la konstruado de solidareca mondo, lukti kontraŭ la akaparado de la teraj riĉofontoj fare de minoritato, sed ankaŭ doni al ĉiu la eblecon sin esprimi pri sia propra evolumodelo. Tiel la Federacia Administra Konsilantaro de Monda Solidareco kontraŭ la malsato lanĉis la procezon de rekta balotado por la elekto de du okcidentafrikaj Delegitoj, kiuj kunsidos en la Administra Konsilantaro. En la vivo de MSM, ĝi estas la dua balotelekto de delegitoj kaj la unua en kiu ĉiu el la 898 aliĝintoj de tiu regiono povis libere esprimi sin (v. p. 2). Certe ĝi markas progreson al formo de demokratio. Inter la paŝoj, la Federacia Administra Konsilantaro balotis dum la kunsido de decembro 2012 por grava ŝanĝo en la maniero de financado de la projektoj, kiuj estas submetitaj.al ĝi. Tio pro du kialoj : unue por strebi al la filozofia celo elradikigi almozdependecon, kaj due alarma financa situacio, kiu verdire plirapidigis la decidon de tiu ŝanĝo. Pri kio temas ? Ĝis nun la financado de la projektoj proponitaj de membroj entenis parton el senintereza pruntodono kaj parton el subvencio. La proporcio de tiuj partoj evoluis laŭ la tempo, la subvencia sumo malaltiĝanta.. De nun la financado okazos nur per senintereza pruntodono, ia mikrokredito je 0 %. Per tiu maniero la principo de reciprokeco atingas sian plenan sencon ; ne plu estas "donacanto" kaj "petanto". La repago de la pruntodono kontribuas en aŭtonomeco, en alproprigo de de la projekto. Dum la almozpeto enhavas misefikon de dependeco - la subvencio partoprenas en tio - male la vera solidareco proponas redistribuon, laŭvice, de la komunaj riĉofontoj laŭ mutualismo. La burkina bovbredisto scias ke la gvatemala abelbredisto, la benina fiŝkaptisto, la senegala legumkultivisto helpis lin plibonigi siajn vivkondiĉojn kaj ke kompense li mem helpos la projekton de iu alia ... La funkciado de mutuala organizo necesigas la redisdonon de la riĉofontoj .... kiam riĉofontoj estas, sed ankaŭ, sammaniere, la redisdonon de la embarasoj .... kiam embarasoj estas. Kaj la financa situacio ne pliboniĝis ekde la alarmkrio de la federacia sekretariino en aŭgusto 2012 (vd. en MS n° 107, p.16). Tio klarigas kial la decido financi sub formo de mikrokredito, kio estas bona decido, estas nun farita. Ĝia konkreta aplikado kaj la konsekvencoj estos precizigitaj dum la Okcidentafrika Ĝenerala Asembleo la 14an kaj 15an de novembro 2013 en Vagaduguo (Burkinio). Malfacilas ĉiutage elpensi tiun socian formon : "strebi por ke homoj taskas al si kaj per sia memsufiĉeco kaj per la definitiva mastrado de sia povo elekti". Se Mark Twain estus koninta ilin, li estus dirinta " ili ne sciis ke tio neeblas, tial ĉi tion ili faris." La Federacia Administra Konsilantaro |
