Kiel delegitoj al la Kongreso de la Popoloj,
rekte kaj demokrate, transnacie elektitaj de elektantaro
el 110 landoj,
NI KONSTATAS :
- ke en ĉiuj organizitaj kolektivoj ekzistas
homgrupoj apartigitaj disde la politika potenco pro
politikaj, ideologiaj, etnaj aŭ rasaj motivoj ;
- ke iom post iom tiujn homgrupojn oni formetas marĝene
de la civitaneco ;
- ke la naciŝtataj strukturoj, krom sociologiaj
normoj, supermetas leĝajn trudojn, kiuj donas al la
instancoj povon ekskludi la homgrupojn rigardatajn kiel
danĝeraj ;
- ke, sur la kampo de la internacia praktiko, la efiko
de tiu ekskluda povo kelkfoje estas kompensita per la leĝo
por la azilrajtoj ;
- ke la rifuĝinto do estas la logika produkto de
la nerespekto al la Homaj Rajtoj fare de la naci-ŝtato.
Nuntempe estas proksimume dek
milionoj da rifuĝintoj
Tiu situacio ne nur estas kaŭzo de netolereblaj
suferoj sed de ĝi devenas streĉitecoj naskontaj
militojn.
NI ANKORAŬ
KONSTATAS,
ke malgraŭ la ekzisto de internaciaj konvencioj
pri la rifuĝintoj, UN agnoskante la absolutecon de
la nacia suvereneco, pludaŭrigas tiun procezon. Tiel
UN fakte ebligas la faktan ekskludon, kiu pelas la rifuĝintaro
al sengarantia situacio de ekzilitoj.
Konsekvence, NI
DEKLARAS,
ke Unuiĝinta Naciaro havas la povon nek por
rebonigi tiun okazaĵon, nek por certigi la aplikadon
de la Homaj Rajtoj, pro la troa alvoko al la artikolo
2, paragrafo 7, de la Ĉarto de UN. (Tiu artikolo
malpermesas ĉian intervenon " en aferojn, kiuj funde
apartenas al la jurisdikcio de kiu ajn " ŝtato
").
Ni firme ASERTAS
la rajton al la kunekzistado de ĉiuj homgrupoj en
la fundamenta reciprokeco de la Homaj Rajtoj.
NI PETAS,
- ke, en atendo de entuta politika solvo, la
sennaciuloj, la ekzilitoj, la rifuĝintoj estu
provizataj per individua monda dokumento, kiu certigos al
ili senprokrastan protekton, kaj ebligos, ke ili templime
atingu la samajn rajtojn kiel la nacianoj de la
akceptanta ŝtato ;
- ke la nuntempa praktiko pri ekskludo kaj detruo de la
individuoj kaj de la homgrupoj estu vigle kontraŭbatalata.
NI PROPONAS,
ke estu kreita supernacia demokrata
federacia monda institucio kun difinitaj sed
efektivaj povoj, kiu disponos pri politikaj kaj juraj
rimedoj por apliki en ĉiuj naci-ŝtatoj
regularon garantiantan la rajton je kunekzistado de ĉiuj,
en la fundamenta reciprokeco de la Homaj Rajtoj.
|
Volonta tutmondista
jxurnalisto