La internacia gazetaro konstati, ke la lastaj
balotaj kampanjoj usona kaj germana ne " flugis tre alte
". La franca kampanjo por la Prezidenta elekto ŝajnas
komenciĝi sammaniere : neniu kandidato proponas
rimedon certigantan la protekton de la francoj, protekto,
kiu, kompreneble, dependas de la pluvivo de la homa
specio.
Tamen, ĉiutage pli, tiu pluvivo estas minacata
:
Monda milito inter oriento kaj okcidento
Ĉia mondmilito estigos la fordetruon de Francio
malgraŭ ĝia milita potenco. En tiu sfero la
tutmondistoj proponas ekstartigi nepran procezon de monda
malarmado, reference al la antaŭparolo de la franca
konstitucio, kiu antaŭvidas :
" sub kondiĉo de reciprokeco, Francio konsentas
pri la limigo de suvereneco necesa por la organizo kaj la
defendo de la paco. " Tio estas la nura rimedo certigi
efektivan surlokan supernacian kontrolon.
Monda revolucio de sud kontraŭ nordo
La miliardo da malsatuloj estos pretaj revolucii, se
neniu rimedo kontraŭ la malsatproblemo estos
trovita. Kiel starigi ekvilibron inter triono de
supernutritaj kaj du trionoj de subnutritaj ? Kiel eviti
la malŝparadon de la riĉaĵo ? Kiel
malpermesi la disrabadon de la Tria mondo ? Kiel
stabiligi la kurzojn de la krudmaterialoj kaj de la
valutoj sen repreni la nocion de absoluta nacia
suvereneco ?
Grunda, mara, aera monda poluado
La oceanoj kaj la atmosfero estas ĉiutage
poluataj, la dezertoj etendiĝas, la " nigraj tajdoj
" multobliĝas. Sen monda leĝaro certiganta ĝian
protekton, la biosfero, fonto de la vivo, estas
kondamnita formorti.
Monda troloĝateco
La plej granda parto de la naciŝtatoj opinias, ke
la kreskado de ilia loĝantaro havigos al ili
politikan kaj ekonomian povon. Nu, nur Monda institucio
justa kaj efika kapablos ekvilibri la demografian
kreskadon, proponante rimedojn je la servo de la tuta
homaro, kaj ne favore al nur kelkaj : naciaj registaroj,
politikaj aŭ religiaj ĉefoj, ekonomiaj
oligarkioj ...
Monda energio
Oni malŝparas la mondan energion kaj la ne
renovigeblajn krudmaterialojn, ĉar ne ekzistas monda
supernacia aŭtoritato kapabla certigi justajn
ekspluatadon kaj dispartigon. La naciŝtatoj havas
nur unu politikon, tagon post tago, prestiĝan aŭ
imperialisman, kiu rifuzas mondan solvon al tiu
fundamenta problemo.
Se majo 1968 debatis principojn, kies novaj konceptoj
nun enmoriĝis, kial la politikistoj nun ne modifas
la principon pri absoluta nacia suvereneco de ĉiu
naciŝtato ? Post du jarcentoj de sciencaj kaj
teknikaj progresoj la 163 naciŝtatoj en la mondo
havas ekonomiojn tiel streĉe ligitajn, ke estus inda
la propono fare de " nacia prezidenteca kandidato "
rebati la principon de nacia sendependeco, kiu estas
preterpasita de la faktoj, sed ankoraŭ laŭdegita
de la politikistoj. Kelkaj juristoj tion ja bone
komprenis, kiuj rekomendis, ĉe iuj konstitucioj, la
idean erozion pri nacia suvereneco, cele al iu efika
politika organizo de la homaro : tiu de la pluvivo.
Volonta tutmondista
jxurnalisto