Al kio utilas registriĝi
? - Kiel vi aŭdigas vin ?
- Ĉu estas eble havi ankaŭ
la pasporton ? -Ĉu Mondcivitanoj
estas agnoskitaj de la ŝtatoj ? - Ĉu
Mondcivitanoj estas agnoskitaj de U.N. ? - Kio
pri la rilatoj inter la Federaciistoj, WCPA, PWP kaj la
Mondcivitanoj ? - Kio
pri Esperanto ?
Al
kio utilas registriĝi ?
La celo estas arigi nin pere de RMC por aŭdigi je
la individua, nacia, monda niveloj, la gravecon organizi
supernaciajn demokratajn instituciojn, kiuj prizorgos el
tutmonda vidpunkto ekvilibron, pacon, pluvivon de la
homaro kaj de la biodiverseco.
Je individua nivelo, tiu registriĝo estas ege
grava : ĝi estas la konkretigo de identeco pli vera
kaj pli fundamenta, ol multaj aliaj anecoj (kluboj,
partioj, sindikatoj, asocioj, nacio...) kaj ia nutro, kiu
iom post iom ŝanĝas la sintenoj de la persono,
kiu faris tiun agon, kaj instigas ĝin agado kohere
kun tiu identeco. La abundeco da agadoj konkretaj kaj
utilaj por la destino de la homaro, realigitaj de
personoj kiuj faris tiun agon registriĝi estas
impresa : tio koncernas la kampojn de la humanaj aferoj
(progreso, helpo, flegado), de edukado, de la reintegriĝo,
de la sociala ekonomio, de la komunikado, de lobiado...
La civitanoj de la mondo kompreneble ne estas solaj en
tiuj kampoj, sed oni vidas, ke ili partoprenas en la
ekkonsciigo pri planeda civitismo.
Je la nivelo institucia, kompreneble estas la Kongreso
de la Popoloj. Instituto por Tutmondismaj Studoj kaj
Monda Fonduso de Solidareco Kontraŭ la Malsato
devenas de la agado de la Kongreso de la Popoloj.
Kiamaniere
vi aŭdigas vin ?
Ĝis 1977, Registrolibro plenumis efektive tiun
rolon. Sed ne plu depost kiam la Kongreso de la Popoloj
mem ekstaris. Registrolibro estas fakte servo pri civila
stato, kiu enregistras la Civitanojn de la Mondo, kaj la
nura parolado farebla estas diri, ke la tutmonda
demokratio estas nun volata de konsiderinda nombro da
personoj tra ĉiuj landoj de la mondo. Nun la
Kongreso de la Popoloj mem proklamu la opiniojn, kiujn ĝi
taksas indaj.
Ĉu
estas eble havi ankaŭ la pasporton ?
Registrolibro de la Mondcivitanoj distribuas
"mondcivitanan
legitimkarton". Tiu karto, same kiel iu ajn
dokumento provizita de tutmondisma organizaĵo, tute
ne estas rekonita de la naciaj ŝtatoj, kaj ĝi
neniel anstataŭas la regulan havigon de oficialaj
dokumentoj, tiaj kiaj nacia legitimkarto, pasporto, vizo,
laborkarto, restadkarto, aŭ aliaj. Ne-ŝtata
Organizaĵo, kiu pretendus la malon estas denuncenda
kiel friponanto.
Certe ekzistas
organizaĵo, kiu liversas mondajn pasportojn. Tiu
organizaĵo utiligas tiun rimedon por ataki la ŝtatajn
suverenecojn. Gxi estas aktivista elekto, kiu trans iu
filizofia kohereco, estas tute kondamnebla laŭ la
formo kaj laŭ la principo. Laŭ la formo, ĉar
tiu pasporto estas tre altkoste vendata al homoj, kiuj
esperas el ĝi sekurecon, nu plej ofte ĝi
havigas al la posedanto enkarcerigan kondamnon. Sur la
principo, ĉar ĝia agado miksas nescion de ŝtatoficistoj
kaj subskribon de internaciaj konvencioj fare de la ŝtatoj.
Do tiu organizaĵo ne estas
rekomendebla.
La karto, kiun liveras Registrolibro de la
Mondcivitanoj, estas simbola de onia natura aparteno al
la tutmonda komunumo, sed ankaŭ de onia volo iun
tagon ekvidi la problemojn komunajn al la tuta homaro
solivatajn per juro kaj leĝoj produktitaj de
tutamonda demokratio. Havi tiun karton, montri ĝin
al siaj amikoj, siaj kunuloj, valoras kiel konstante
deklaro, ke la mondo ne finis sian konstruadon, ke ĝi
ne ankoraŭ estas unuiĝinta, kaj ke en ĝi
la homaj rajtoj ne havas garantion, ĉar la organizaĵo
anoncita en la artikolo 28a de la Universala Deklaracio
de la Homaj Rajtoj, ankoraŭ ne ekzistas.
Registrolibro de la Mondcivitanoj do liveras tiun
legitimkarton en la tuta mondo, kaj nun oni povas diri,
ke pluraj dekmiloj da homoj jam faris tiun individuan
klopodon, kaj ke tiu tuto konsistigas la kernon de
tutmonda popolo ekiranta al demokratio kun nivelo kongrua
kun tiu mondaneco.
Ĉu
Mondcivitanoj estas agnoskitaj de la ŝtatoj
?
Kiam ŝtato aliĝas al Unuiĝinta Naciaro,
ĝi subskribas la U.N.Ĉarton sed ankaŭ kelkajn tekstojn
kiuj estas kvazaŭ aneksitaj al ĝi. Unu el ili
estas la Universala Deklaracio de la Homaj Rajtoj. Tiu
Deklaracio estas nun fakte adoptita de 190 ŝtatoj.
- Tiu universala Deklaracio, en la alineo 8 de la antaŭkonsideroj,
stipulas ke ĉiu individuo kaj ĉiu organo de la
socio, konstante atentante ĉi tiun Deklaracion, per
instruado kaj edukado strebu al respektigo de tiuj ĉi
rajtoj kaj liberecoj, kaj per laŭgradaj paŝoj
naciaj kaj internaciaj certigu ilian universalan kaj
efektivan agnoskon kaj observadon
- la Mondcivitanoj respondas al tiu difino ekde 1948
kaj starigis programon por la plenumo de la artikolo 28a
surbaze de la artikolo 21-3, nome ke Ĉiu havas
rajton je socia kaj internacia organizo, en kiu la rajtoj
kaj liberecoj difinitaj en ĉi tiu Deklaracio povas
esti plene realigitaj (artikolo 28) kaj ke la volo de la
popolo estas la fundamento de la aŭtoritato
(artikolo 21-3).
Alimaniere dirite, la civitaneco, la demokratio havas
plurajn plenumajn nivelojn :
- la lokaj aŭ regionaj problemoj dependas de
la loka aŭ regiona aŭtoritato ;
- la landaj problemoj dependas de la landa aŭtoritato
- la mondaj problemoj devos dependi de kreota
monda aŭtoritato.
Tiu monda aŭtoritato ne estas UN, ĉar UN
estas " inter-nacia " institucio, kiu respektas la "
suverenan egalecon de la ŝtatoj " (eltiraĵo de
la ĉarto), dum la anoncita en la artikoko 28
organizo, frukto de la volo de la popolo, povos plenumi aŭtoritaton
en tre precizaj kazoj, kiuj estos planitaj de monda
konstitucio.
Sur tiu bazo, la Kongreso de la Popoloj estas historie
kaj nun la nura organizo en la mondo, kiu provas aplikigi
la Universalan Deklaracion de Homaj Rajtoj laŭ la
artikoloj 21-3 kaj 28 de tiu deklaracio, dum la volo de
la popolo esprimiĝas surbaze de memvolo per la
enregistriĝo de la interesiĝantaj civitanoj en
la Mondcivitanan Registrolibron.
Konklude, ĉiu lando, kiu subskribis la ĉarton
de UN kaj la Universalan Deklaracion de Homaj Rajtoj, jam
antaŭrekonis la Mondcivitanojn kaj la programon de
la Kongreso de la Popoloj.
Ĉu la
Mondcivitanoj estas agnoskitaj de Unuiĝinta Naciaro
?
Pri la agnosko far Unuiĝinta Naciaro, ja vi havas
la respondon al la 11a demando de la dokumento "Kial
Mondcivitanoj ?" Ni opinias, ke la mankoj de U.N.,
kiujn ni denuncas ekde la fondo de la orgaizaĵo,
kulpas pri la grandaj malekvilibroj, kiuj tuŝas nian
planedon, kaj pri la malfeliĉoj el ili rezultantaj,
kaj do pri la milionoj da mortoj, kiuj estis eviteblaj
se, kiel jam proponis kelkaj fondintoj, supera demokrata
organizaĵo estis starigita anstataŭ tiu amaso
da suverenaj interesoj starantaj unu kontraŭ la
aliaj. Ni denuncas la mankojn de U.N., tamen ni ne restas
je tiu vana parolado : de tre longe ni proponas, ke apud
la Asembleo de U.N., kiu reprezentas la ŝtatojn,
funkciu dua ĉambro, kiu demokratie reprezentus la
terloĝantojn. Kaj tio okazas nur se ni agadas ambaŭmaniere
: 1/ premo de ekstero, t.e. disvastigi la
mondcivitanecon, la mondan civitismon ; 2/ premo de
interno, t.e. partopreni en la laboroj de U.N. tie, kie
tio eblas, por ke interne de la institucio oni antaŭvidas
konsenti pri la aldono de dua leĝofara ĉambro,
por ke la tekstoj de U.N. povu fariĝi mondaj leĝoj.
Nuntempe pluraj tutmondistaj organizaĵoj fonditaj
de Mondcivitanoj havas konsultajn rilatojn ĉe U.N. aŭ
ties filioj (Unesko, Unicef.) Siaflanke Registrolibro de
la Mondcivitanoj havas rilatojn kun Unesko.
Precizigende, ke U.N. agnoskas nur la ŝtatojn. Ne
estas ĝia rolo agnoski la ne-ŝtatajn organizaĵojn.
Do neeblas paroli pri agnosko de Registrolibro de la
Mondcivitanoj far U.N.
Kio
pri la rilatoj inter la Federaciistoj, WCPA, PWP kaj la
Mondcivitanoj ?
WCPA estas movado devenanta el la federaciista branĉo
de la tutmondistoj.
Jen diferenco inter la federaciistoj kaj la
mondcivitanoj :
- federaciismo celas ŝanĝi la socion
dank'al la elito ;
- mondcivitanismo celas ŝanĝi la socion
dank'al partopreno de la popolo.
Dua diferenco fluas el la unua :
- la federaciistoj havas monon, pro elitismo kaj
farscio de la financistoj.
- la mondcivitanoj ne.
Fakte, ĉiuj konscias ke ambaŭ klopodoj
necesas, kaj tra la elito, kaj tra la popolo.
Jam de pli ol 30 jaroj ekzistas WCPA kaj nun PWP. La
agadantoj de tiu organizaĵo multe laboris por
ellabori konstitucion. Nun la konstitucio estas verkita
kaj WCPA/PWP provas prezenti tiun konstitucion al la
registaroj, por ke ili adoptu ĝin. ... kompreneble
mankas la subteno de la popolo, kaj tial la tuta WCPA
projekto frontas malfacilaĵojn.
Necesas diri, ankaŭ, ke ekzistas tra la mondo pli
ol cent projektoj de tera konstitucio. La WCPA
konstitucio estas tute certe la plej ellaborita.
Ekzistas multaj rilatoj inter la federaciistoj kaj la
mondcivitanoj, kaj eĉ multaj federaciistaj aktivuloj
estas ankaŭ mondcivitanoj. Tio validas ankaŭ
inter WCPA kaj la Mondcivitanoj : Eugenia Almand, Philip
Isely, Charles Mercieca, Reinhart Ruge, Dauji Gupta,
Dominique Balouki kaj aliaj estas federaciistaj
mondcivitanoj.
Lasta punkto : kvankam la federaciistoj kaj pli aparte
WCPA ellaboris propran projekton de "provizora monda
parlamento" (PWP), la historie grava kunveno okazinta en
Bruselo en 1963 arigis la reprezentantojn de ĉiuj
gravaj tutmondistaj movadoj el la tuta mondo, kaj el tiu
kunveno naskiĝis la ideo de stadia parlamento, nome
: la Kongreso de la Popoloj. La Brusela kunveno taskis al
Mondcivitana Registrolibro la balotelektojn al tiu
Kongreso de la Popoloj, kaj tiu ĉi reprezentas
balotintojn el preskaŭ ĉiuj tutmondistaj
movadoj de la tero. En estonteco verŝajne la
Kongreso de la Popoloj taskos al si mem la adoptigon de
la tera konstitucio de WCPA (eble post ĝisdatigo)
fare de la internaciaj organizaĵoj kaj de la ŝtatoj.
Kaj tion leginte vi povas konstati ke la Civitanoj de la
Mondo kaj la Federaciistoj partoprenas en la sama
historia movado al tutmondaj civilizo kaj paco, per
konverĝo de ambaŭ klopodoj al sama celo.
(Nun la tutmondistaj organizaĵoj estas pli ol
290, sed en 1963, la nombro estis multe pli malmulta. Mi
mem ne havas la ĝustajn nombrojn. Laŭ mia
memoro el la diroj de Henri Cainaud : en Bruselo kunvenis
ĉirkaŭ 140 homoj el 40 organizaĵoj.).
